Vajza shtatgjatë nga Peja, Arbnora Ademaj do të përfaqësojë Kosovën në garën e bukurisë “Miss Globe International”, që do të mbahet në muajin që vjen në Tiranë.

Në një intervistë për të përditshmen “Lajm”, Arbnora ka bërë të ditur se është duke u përgatitur për këtë garë dhe çdo ditë, përveç se ushtron, ajo po e përgatit një koreografi, sepse në këtë spektakël të bukurisë kandidatet do të kenë edhe një pikë interpretimi muzikor ose vallëzim – me ç’rast do të jepet edhe çmimi “Miss Talenti”.

Arbnora po ashtu ka bërë të ditur se në këtë garë të bukurisë do të paraqitet edhe me veshje kombëtare dhe se zgjedhja e saj është veshja e Rrafshit të Dukagjinit.