Rreth 130 vjet pas shpikjes së famshme të Edisonit, Europa merr sot vendimin e eleminimit të llambave të vjetra.

Parlamenti Europian pritet të vendosë sot për eliminimin e përdorimit të llambave inkandeshente, duke i hapur rrugë llambave alogjene dhe fluoreshente, që sipas të dhënave të Komisionit Europian, konsumojnë 25 deri në 80 % më pak energji nga tradicionalet.

Llambat e reja, apo ekonomike siç jemi mësuar t’i emrëtojmë, janë gjithashtu më pak të dëmshme për shëndetin, pasi 5 miligramët e mërkurit nuk dëmtojnë konsumatorin.

Sipas eksperteve, niveli i mërkurit mund të reduktohet deri në 2 miligramë në të ardhmen.