Me 2200 vota, përkatësisht 36.3 për qind, mesfushori shqiptar dominoi në sondazhin e bërë nga uebfaqja e klubit safc.com

Lorik Cana është zgjedhur sërish futbollisti më i mirë i Sunderlandit. Mesfushori kosovar shkëlqeu edhe në barazimin me gjigantin Manchester United, andaj fansat e “Maceve të Zeza” e zgjodhën atë për herë të gjashtë futbollistin më të mirë të ekipit të tyre. Me 2200 vota, përkatësisht 36.3 për qind, mesfushori shqiptar dominoi në sondazhin e bërë nga uebfaqja e klubit safc.com.

Kapiten Cana luajti një rol të rëndësishëm në fazën defanzive kundër United, duke bashkëpunuar mjaft mirë me shokun e tij të repartit, Lee Cattermole. Andy Reid, fitues i këtij çmimi në ndeshjen me Norëich, u rendit në pozitën e dytë me 14 për qind të votave, kurse i treti ishte Michael Turner (10.6%).