Menaxheri i Liverpoolit, Rafa Benitez, ka konfirmuar se simboli i Redsave, Steven Gerrard, nuk do të jetë në gjendje të luajë në ndeshjen e të mërkurës mbrëma kundër Olympique Lyonnais në kuadër të Ligës së kampionëve.

“Gerrard nuk do të udhëtojë në Lion. Nuk ka gjasa. Ai është duke përparuar, mirëpo ne duhet të presim”, ka thënë Benitez për faqen zyrtare të Liverpoolit.

Nga ana tjetër ka lajme më të mira për Alberto Aquilanin, i cili ka një infeksion, megjithatë ekziston mundësia që të jetë në gjendje të luajë në këtë ndeshje vendimtare për Të Kuqtë, të cilët kanë vetëm tri pikë në Grupin E.