Maqedonia gjendet në vendin e 74 të listës të vendeve më të pastra ekologjike në botë, ndërsa në suaza evropiane është në vetë fundin. Radhitja është bërë në bazë të indeksit të rezultateve ekologjike, i bërë nga universiteti i Jejlit dhe Kolumbisë. Me 74 poenë të indeksit nga të mundshmet 100, Maqedonia është në vendin e 74 në listën e vendeve më të pastra ekologjike në botë nga gjithsej 149 vendet. Në suaza evropiane, Maqedonia nga gjithsej 40 vendeve radhitet e 37-ta. Pas Ukrainës javë vetëm Ukraina, Rumania dhe Moldavia. Zvicra është në vendin e parë të listës ekologjikë botërore me indeks 95. vijojnë Suedia, Norvegjia dhe Finlanda. Sllovenia është në vendin e 15, Kroacia në vendin e 20, Shqipëria e 25-ta, Greqia e 44, Bosnja dhe Hercegovina e 48, Bullgaria e 56, Turqia e 72. Serbia nuk është radhitur. Hulumtuesit e indeksit të rezultateve ekologjike theksuan se informatat në bazë të së cilës është bërë rang lista rrjedhin nga burimet vendore dhe jo gjithmonë janë të cilësisë ideale, posaçërisht në vendet në zhvillim.