Donacioni
Babi, ka ardhur një tip te dera me një fletore dhe po thotë se është duke mbledhur fonde për një donacion humanitar – për një pishinë në një jetimore.
Babai: Mirë djali jem, jepja një shishe ujë!

Deputeti
Hallooo, Hasani këtu! A kom thirr në Parlamentin e Kosovës?
Po zotëri, si mund të ju ndihmoj?
Paj me u ba deputet, çka duhet me ba unë?
Zotëri a mos jeni i çmendur?
Po jam, pse a duhet edhe diçka tjetër a?

Facebook-u
Projekti i CIA-s ka qenë që vetë t’i mbledhim informacionet për veten dhe të bëjmë dosjen tonë. Në këtë mënyrë atyre ua mundësojmë qasjen në fotografitë tona, e dinë me kënd shoqërohemi, ku kemi qenë për pushime, çfarë bëjmë momentalisht, në cilën parti politike jemi – dhe këtë pa e angazhuar asnjë agjent – shkëlqyeshëm!

Vegeta
Vjehrra është si vegeta… përzihet kudo!

Kësulëkuqja moderne
Ujku e takon Kësulëkuqen në mal dhe e pyet:
A po ma kallëzon adresën e gjyshes?
Po, si jo, përgjigjet me kënaqësi Kësulëkuqja:
gjyshja@yahoo.com

Barsoleta
Një plakut i bie të fikët dhe përfundon në spital. Pas një kontrolli të shkurtër mjeku thotë, qojeni në morg.
Pas kësaj plaku çohet dhe thotë:
Po unë ende s’kam vdekur…
Po hala s’kemi mbërri te morgu, mos u ngut, i thotë mjeku.

Boksieri
Gjyqtari në ring numëron para boksierit të nokautuar, ndërsa një plakë nga publiku bërtet:
“Nuk çohet jo, e di se e kam taku edhe në autobus!”

Muhabet burrash
Bisedojnë dy shokë:
Çudi, gruaja ime po fol me veten!
Edhe e imja besa, po nuk është e vetëdijshme për këtë – thotë shoku tjetër
E si është e mundur?
Po ajo beson se unë e dëgjoj kur ajo flet.

Përmasat
Bisedojnë dy shoqe:
Si i paramendon ti përmasat e mashkullit ideal?
- 80-20-42.
Çfarë do të thotë kjo?
T’i ketë 80 vjet, 20 milionë euro në bankë dhe temperaturën 42!