Houston – Një grua e vjetër, e quajtur nga FBI-ja “gjyshja bandite”, të premten e kaluar grabiti dy filiale të bankës “Compass” në Houston.

FBI-ja zbuloi fotografitë e zonjës së moshuar, e cila është shfaqur si plaçkitëse e çuditshme e bankave. Edhe pse kjo plakë nuk duket si plaçkitëse e rëndomtë, kjo nuk e ka ndaluar që brenda një ore të grabisë dy filiale të bankës “Compass”.

Nga fotografitë e kamerave të përgjimit të bankës duket se ”gjyshja bandite” është rreth të 60-ave.

”Çdo ditë e më shumë gra në SHBA vendosin të ndërmarrin këto lloj veprimesh kriminale, por kjo ende është në një përqindje e vogël”, deklaroi agjentja speciale e FBI-së, Shauna Dunlap.

FBI-ja ka ofruar 5 000 dollarë për të gjitha informatat të cilat do të sillnin te arrestimi i ”gjyshes bandite”.