Duke marrë parasysh vëmendjen e madhe që e ka tërhequr pajisja iPad e kompanisë Apple dhe lexuesi elektronik Kindle i kompanisë Amazon, Sony Reader ka mbetur paska në errësirë.

Megjithatë, nga kjo kompani theksojnë se janë shumë të kënaqur me shitjen të cilën po e realizon modeli i parë i saj, me ç’rast versioni Touch Edition i këtij modeli po shitet më së miri.

Sipas pohimeve të përfaqësuesve të kompanisë Sony theksi në të ardhmen do të vihet në përmirësimin e lexueshmërisë së këtij modeli, që është një lajm i mirë për ata përdorues që kanë shikim më të dobësuar.

Në të njëjtën kohë Sony thekson se është duke planifikuar që të ofrojë versionin e lexuesit e vet elektronik me ngjyra brenda një periudhe të afërt.